O Concello de Guitiriz celebrará o próximo domingo 8 de setembro o Día da Bici, un evento organizado en colaboración co club Btteiros Cova da Serpe. Constará de dúas rutas de diferente distancia pola contorna do Balneario de Guitiriz, Parga e Ruta da Auga. A primeira das rutas terá unha duración de 9 quilómetros, mentres que a opción para os ciclistas máis avanzados estenderase ata os 20 quilómetros de distancia.