O programa arrancará o venres 19 de xuño coas verificacións administrativas e técnicas opcionais. As primeiras serán de 18:15 a 21:00 horas e as segundas de 18:30 horas a 21:30 horas. Ambas no Campo da Feira de Guitiriz.

O sábado 20 celebraranse as verificacións oficiais, en horario de 8:00 a 10:00 horas as administrativas e de 8:15 a 10:15 as ténicas, ambas no Campo da Feira de Guitiriz. Logo serán os recoñecementos, en horario de 9:30 a 11:00 horas, no treito cronometrado. Posteriormente darán inicio as saídas das tres primeiras mangas cronometradas, a partir das 12:30 horas, desde o Campo da Festa da Santa Mariña. Ás 21:00 horas será a entrega de premios do “Súper Sábado” no Campo da Feira de Guitiriz.

Xa o domingo 21 disputaranse as dúas pasadas finais a partir das 8:30 horas desde o Campo da Festa da Santa Mariña e a posterior entrega de premios da clasificación xeral, programada a partir das 13:45 horas no Campo da Feira de Guitiriz.