O domingo 27 de abril celebrarase unha nova saída do programa ‘Guitiriz en Ruta’. Nesta ocasión, é a quenda da Ruta do Río Mera en Lugo, que conta cun percorrido aproximado de 12 quilómetros pola contorna do río Mera e o monte Segade, moi preto da cidade de Lugo. Ten dificultade baixa e conta con pouco desnivel.

A saída está programada para as 9:00 horas desde a praza do Campo da Feira de Guitiriz, con regreso estimado en torno ás 14:30 horas.

As inscricións estarán abertas ata o xoves, 24 de abril, ás 15:00 horas. Poderanse formalizar de xeito presencial na Casa do Concello ou por teléfono, chamando ao 982 370 109. Neste caso, ao tratarse dunha saída fóra do Concello, as inscricións teñen un prezo de 5 euros para empadroados e de 10 euros para non empadroados, que se poderán pagar no momento da inscrición.