O programa de rutas dará comezo este domingo, 22 de febreiro, coa Senda da Memoria nas Pontes, coa saída programada para as 9:00 horas desde o Campo da Feira de Guitiriz e o regreso estimado sobre as 14:30 horas.

O itinerario contará cun percorrido circular duns 14 quilómetros de dificultade baixa e sen practicamente desnivel. A Senda da Memoria bordea o lago das Pontes e é un percorrido que quere lembrar as xentes e lugares que había antes de existir a mina.

As inscricións estarán abertas ata este venres, 20 de febreiro, ás 14:00 horas e, ao tratarse dun percorrido fora do concello, serán de pago.