O domingo 9 de febreiro realizarase a Ruta da Ruxida, a primeira dentro da sétima edición do programa BTTeando por Guitiriz, cun percorrido de 20 quilómetros. A saída está programada ás 10:00 horas desde o Campo da Feira de Guitiriz e a chegada será no mesmo punto. O prazo para inscribirse remata o xoves 6 de febreiro. As inscricións poden facerse de xeito presencial na casa do Concello ou nas redes sociais do Club BTTeiros Cova da Serpe.